LEGAZPI CITY-Sinabi kan mga dating co-star kan “Jurassic Park” leading man na si Sam Neill na nakipaglaban ini sa pneumonia bago an saiyang dai pinaglalaoman na pagkagadan sa edad na 78-anyos.
Nagadan si Neil sa Australia kan Lunes, asin kinumpirma kan saiyang pamilya na dai ninda pinaglalaoman an biglaang pagkagadan kaini.
Nagsairarom an aktor sa treatment para sa lymphoma kan nakaaging taon alagad nagin cander free.
Sinabi kan New Zealand actor na si Rima Te Wiata na nalagpasan ni Neil an pagkakaigwa nin cancer alagad nagkaigwa naman ini nin pneumonia.
Dai naman nagpahayag nin iba pang detalye si Te Wiata mapadapit sa pagkakaigwa kaini nin nasabing helang.
Naibuyagyag man suboot sa 2023 memoir kan aktor asin nakalaag an katagang “possibly dying” huli sa stage-three non-Hodgkin lymphoma.
Nagpoon an saiyang karera sa acting sa New Zealand films kan 1970s bago nakakuwa nin dakulang role sa Australia.
Nagin breakthrough niya an taong 1993 kan siya nagtaong buhay sa karakter ni Dr. Alan Grant sa blockbuster “Jurassic Park”.
