LEGAZPI CITY-Ipigheras kan Department of Science and Technology (DOST) Bicol an saindang mga programa na makakatabang sa pagresolba kan water crisis bilang paghahanda sa pag-abot kan El Niño.
Segun kay DOST Bicol Regional Director Rommel Serrano, sa intrevista kan Bombo Radyo Legazpi na igwang nagkapirang teknolohiya an pwedisir gamiton, arog kan “Desalination technology” kun sain pigco-convert an tubig sa fresh water na normal na sa mga isla asin coastal communities.
Siring man an “Safe waters technology” asin “Plant-based water treatment.”
Kun sain an Plant-based water treatment, iyo an teknolohiya na pigagagamitan nin halaman asin natural na proseso ngani mahale an pollutant sa tubig asin ma-improve an kalidad kaini.
Piglalaoman man kan opisyal na mai-deploy an mga siring kaining teknolohiya sa mga komunidad para sa mga pigkakahampang na water crisis.
Mientras tanto, labi sa 400 na bagong scholars an natanggap kan ahensya para sa school year 2026-2027 na padagos na pinagsu-suportaran kan mga lehislador para sa libreng edukasyon asin scholarship programs.
