LEGAZPI CITY-Inanunsiyo ni US President Donald Trump na ganap nang bubukasan sa Biyernes, Hunyo 19, an Strait of Hormuz, na pigkokonsiderang pinaka-importanteng ruta kan langis sa kinaban.
Ini makalihis na magkasundo na an Estados Unidos asin Iran na wakasan na an gera sa Middle East, na sarong dakulang lakdang sa pagtatapod kan pirang bulan na labanan asin “economic turmoil.”
Segun kay Trump, nagpoon na an paghiro kan mga barko asin kakargahan na nin mga langos paluwas kan Strait of Hormuz.
Sinabi man ni Trump na dai niya lubos isipon na kaipuhan nin nin kadakol na tabang ngani mabukasan an ruta.
Nai-report man kan Iranian media na igwang tulong oil tankers asin duwang cargo ships an nakaagi na sa lugar na nagin subject kan US naval blockade.
Mientras tanto, nakatakda na pirmahan sa Biyernes sa Switzerland an peace agreement sa pagultanan kan Estados Unidos asin Iran kairiba an mediator na Pakistan.
