LEGAZPI CITY- Nagkondusir nin manlain lain na mga aktibidad an mga ahensya de gobierno asin iba pang mga grupo asin stakeholders bilang pagselebrar kan ika-128 na taon nin Independence Day.
Pinangenotan ni Presidente Ferdinand Marcos Jr. an pag-aalay nin burak sa bantayog ni Jose Rizal sa Luneta Park, asin igwa man na separadong mga aktibidad an lambang mga lokal na gobierno.
Segun ki National Historical Commission of the Philippines (NHCP) Historic Sites Development Officer II Eufemio Agbayani III sa intrevista kan Bombo Radyo Legazpi na an Independence Day an pagirumdom na an Pilipinas an sarong malaya asin nagsasariling bansa sa ibong kan mga pinagkakahampang na mga angat.
Sa aldaw na ini pigtatawan man nin pagbisto an mga heroe na nagsakripisyo ngani na makuwa an kasarinlan.
Tinawan duon kan opisyal na an kalayaan kan nacion an dae nakuwa nin libre, huli ta pinagpagalan asin pinagsakripisyuhan ini kan mga ninuno sa laog nin halawig na panahon na kadifisilan kontra sa mga mananakop.
Dugang pa ni Agbayani na maski mas simple an mga selebrasyon kan Independence Day ngunyan na panahon, dae man liwat nawawara an tunay na diwa kaini na pagselebrar kan pagigin indipendiente kontra sa pananakop kan mga dayuhang nacion.
