Lima na mahistrado an nagmamawot na magin sunod na Chief Justice kan Korte Suprema, segun sa listahan na iniluwas kan Judicial and Bar Council.
Kabale sa mga kandidato sinda Senior Associate Justice Marvic Leonen, asin Associate Justices Alfredo Benjamin Caguioa, Rodil Zalameda, Japar Dimaampao, asin Jose Midas Marquez.
Segun sa JBC, nakaiskedyul sa Oktubre 22 asin 26, 2026 an public interviews kan mga kandidato.
An pagpili nin bagong punong mahistrado isinasagibo bilang pagpreparar sa pagretiro ni Chief Justice Alexander Gesmundo sa Nobyembre 6, 2026.
An mapipili na bagong Chief Justice iyo an magigin ika-28 na mamamayo kan pinakahalangkaw na korte sa nacion.
