Plano ni dating Executive Secretary Vic Rodriguez na tulos magsunad nin motion for reconsideration (MR) sa Supreme Court, kasunod kan pagkakabasura an saiyang petisyon na kumukuwestyon sa naenot na ruling kan Senate Impeachment Court mapadapit sa 2/3-vote threshold.
Segun ki Rodriguez, pig-adalan na niya an desisyon ng SC asin planong isunad an motion for reconsideration salaog kan 15 aldw puon sa pagkaresibe kan resolution.
Nanindugan an dating executive secretary na dae maikokonsiderar bilang premature an orolay asin imbes an napapanahon na, kasunod kan pagkakabasura kaini.
Kinuwestiyon man kan abogado ang posibilidad na hahalaton pa kan Supreme Court ang conviction bago aksyunan ang orolay kung si VP Sara mismo ang nag-file.
Sa ibong na banda, aminado naman si Rodriguez na wara syang personality sa kaso, siring kan ipinupunto kan Supreme Court huli sa bako siya parte kan impeachment trial kan Office of the Vice President.
Nanindugan an abogado na an saiyang isinumite sa SC an sarong ‘constitutional question’ na kumukuwestyon kun igwa bang kapangyarihan ang Senado bilang sarong legislative body o sarong impeachment court na gibohon an siring kan ginibong pag-interpret sa 2/3 voting treshold para sa conviction kan sarong impeachable official.
Segun saiya na maikokonsiderar na ini bilang ammendment o revision sa saligang batas.
