Idinesignar ni Presidente Ferdinand Marcos Jr. si Supreme Court Associate Justice Rodil Zalameda bilang masunod na Chief Justice kan Korte Suprema.
Ini an inanunsyar ni Presidential Communications Office Secretary Lino Cayetano.
Riribayan ni Zalameda si Chief Justice Alexander Gesmundo na nakatalaan na magretiro sa aga, Nobyembre 6.
Labi sa tulong dekada nang nagseserbi sa hudikatura si Zalameda, hali sa pagiging opisyal kan korte asin piskal hasta sa Court of Appeals asin Korte Suprema.
Segun ki Cayetano na kumpiyansa an presidente na gagampanan ni Zalameda an mandato na igwang integridad, warang pigkikilingan, asin igwang bilog na pagsunod sa ley.
Nagpasalamat man an Palasyo kay Gesmundo sa saiyang serbisyo sa hudikatura asin sa nacion.
Kung babalikan, si Zalameda an nagsurat kan Supreme Court decision na nagpawarang asla ki dating First Lady Imelda Marcos sa seven counts nin graft makalihis an ruling kan Supreme Court na nagpalyar an prosekusyon na patunayan an ‘guilt beyond reasonable doubt.’
