LEGAZPI CITY-Pinaliwanag kan sarong Political Analyst na posibleng taktika an dai pag-atendir kan majority senators sa mga sesyon sa Senado.
Tinawan doon man kaini na apektado kan mga pangyayari an serbisyo publiko, magin an mga nakabinbin na prayoridad na mga propwestong ley.
Segun kay Political Analyst Prof. Amr Solon Sison, sa ekslusibong intrevista kan Bombo Radyo Legazpi na posibleng pigde-delay an “all possible scenario” na pwesidir na magin rason kan saindang pagka-daog sa botohan o kaya pigmamantenir ninda an saindang “credible presence” sa Senado, orog na haros 2 katawo na an na-menus digdi.
Sa hiling niya na, posibleng pigmamantenir ninda an saindang “credible presence” o kaya naghahanap sana nin mga opurtunidad ngani i-recalibrate an saindang paninidugan.
Dugang pa ni Sison, na posibleng “political tactic” ninda ini ngani mamantenir an saindang lado.
Sinabi pa kan opisyal na makaka-apektar ini sa mga nakabinbin na ley asin problema kan Senado an pag-pasar kaini.
Tinawan doon man niya na posibleng maayos an epekto kaini kay Senate President Alan Peter Cayetano, alagad bako para sa ibang mga kaalyado, orog na kun makandidato sa masunod na pirilian.
