LEGAZPI CITY-Nasungkit kan Bicol Region an pinakaenot na bulawang medalya sa 100-Meter Low Hurdles event sa Agusan Del Sur sa nagpapadagos na Palarong Pambansa 2026.
Nagin emosyonal si Beverly Naisa bilang gold medalist na gikan pa sa Camarines Norte makalihis makuwa an trayumpo.
Sinabi ni Beverly sa intrevista kan Bombo Radyo News Team na labi an saiyang kaogmahan sa saiyang kapangganahan.
Sa saiyang kapangganahan, nagpasalamat siya sa gabos na nagsuporta saiya hale sa rehiyon, orog na sa saiyang mga magurang.
Sinabi man kaini na an saiyang pangaturugan, iyo an makapag-partisipar sa Olympics asin darahon an saiyang pamilya sa ibang nacion.
Si Beverly, gikan sa Camarines Norte asin nagrepresentar kan Mambungalon Elementary School sa 100-meter Hurdle-Elementary Girls Category sa Palarong Pambansa ngonian na taon.
