LEGAZPI CITY-Nangangapudan an pamilya kan mga biktima kan war on drugs campaign na dai pag-ulangan an posibleng pag-aresto asin pag-surender kay Senator Ronald “Bato” Dela Rosa.
Segun kay Rise Up for Life and for Rights Coordinator Rubilyn Litao, sa naging intrevista kan Bombo Radyo Legazpi na dai dapat nagtatago an Senado nin kaso kundi maging parte kan proseso kan pagpapanimbag sa mahiwasang panggagadan sa mga biktima kan gera kontra droga.
Dugang pa niya na dapat nang i-surender si Senator Bato sa International Criminal Court (ICC) huli ta basado sa ley kaipuhan na maipaotob an warrant of arrest.
Sinabi pa man suboot kan mga biktima na ini an panahon ngani manindugan asin dangugon kan senado an agrangay kan mga biktima.
an senado para sa mga biktima.
Piglalaoman ninda na maipaotob an proseso sa madalian na panahon orog na ngonian na nag-isyu na nin warrant of arrest an ICC laban sa Senador.
Para sa grupo, malinaw na dapat mapanimbag an gabos na imbuelto sa paggagadan sa mga kababayan sa kampanya ni dating Presidente Rodrigo Duterte.
