LEGAZPI CITY-Pangapudan liwat kan Filipino Nurses United na maipasar sa kongreso an propwestong ley na P50,000 na pasahod kada bulan para sa mga nurse sa entry level, sa pampubliko o pribadong sektor.
Segun kay Filipino Nurses United President Jocelyn Andamo, sa intrevista kan Bombo Radyo Legazpi na pigpapangapudan ninda ini huli sa matinding pangangaipo asin sitwasyon kan mga nurse sa nacion.
Liwat nindag isinangat an nabanggit na propwestong ley sa makabayan legislators na langkawan an pasahod kan gabos na mga nars, siring man an iba pang mga benipisyo kan gobierno.
Sinabi ni Andamo na importante ini huli ta “deserve” ninda ini asin dakula an papel kan mga nurse sa salud kan mga namamanwaan asin magabat an saindang responsibilidad, orog na ngonian na nasa tahaw kan keconomic crisis an nacion.
Mientras tanto, ise-selebrar man sa Mayo 12 an pagbisto sa mga nurse sa nagin kontribusyon ninda sa bilog na kinaban bilang lingkod-bayan sa mga pasyente asin komunidad.
