LEGAZPI CITY-Ipighayag kan Filipino Nurses United na nasa anom sa sampulong nurses sa nacion an nagre-resign kada bulan ngani mag-abroad.
Segun kay Filipino Nurses United President Jocelyn Andamo sa intrevista kan Bombo Radyo Legazpi, basado sa national congress kan Abril na kadakol na nurses an nagre-resign kada bulan asin nagpapasiring sa abroad.
Dugang pa niya na nagtetenir na basic issue kan mga nurses na dai natutugunan kan gobierno asin pirit na pigtatalikudan.
Sinabi pa niya na bako isyu an budget alagad mas pige-enot pa an ibang mga bagay asin dai natatawan nin pansin an bastanteng budget sa salud.
Nangangapudan man an grupo sa gobierno na dapat itao an nakabubuhay na sahod siring kan pig-file nindang propwestong ley na P50,000 na entry salary kan mga nurse sa pampubliko asin pribadong sektor.
Dapat man na siertuhon an mga nurse asin patient ratio.
Huli ta epekto kaini an pag-apaw kan mga pasyente sa mga ospital huli sa kakulangan bako sana kan mga nurse, magin kan mga doktor asin staff.
Kun kaya padifisilan ini para sa mga kababayan kun sain apat hasta sa anom na oras sindang nagtetenir sa Emergency Room (ER) asin dai natatawan nin tulos na atensyon.
