LEGAZPI CITY- Nangapudan an grupo nin mga nurses sa nacion nin bastanteng suporta hali sa gobierno, kasabay kan National Heroes’ Day.
Marurumduman na kaibanan an mga health workers sa ipigkokunsiderar bilang makabagong heroe sa presenteng panahon.
Segun ki Jocelyn Andamo, National President kan Filipino Nurses United sa intrevista kan Bombo Radyo Legazpi na bako bastante na sinda an pasalamatan sana kundi dapat na itao man kan gobierno an solusyon sa mga angat na saindang pinagkakahampang.
Kaibanan digdi an haloy nang pangapudan na dagdag na sweldo, asin an pagtataong solusyon sa kakulangan nin mga health workers sa mga ospital asin an pagigin overworked kan mga health workers.
Sa ibong kaini, tiawan pugay ni Andamo an mga nasa medikal na propesyon na padagos na nagigibo kan saindang mandato asin nagseserbi sa mga namamanwaang Pilipino.
