LEGAZPI CITY-Ipighayag kan Tehran na kakayanon ninda an padagos na blockade kan Estados Unidos sa Iranian ports sa laog nin apat na bulan.
Makalihis ini kan nangyaring palitan nin putok sa pagultanan kan Estados Unidos asin Iran sa Gulf region kan Biyernes, sa tahaw kanpagpupursige na wakasan na an gera.
Nanindugan man an US intelligence analysis na dai kakayanon kan Tehran an naval blockade sa laog nin pirang bulan.
Segun sa mga report, sinabi kan kampo kan Iran na dai ini magreresulta sa matindang pressure sa saindang ekonomiya poon kan magpaoton nin US blockade.
Dugang pa kaini na limitado an impluwensya kan Estados Unidos sa Tehran mantang an duwang kampo padagos na nagoolay mapadapit sa sarong kasunduan.
Marurumduman na nagkaigwa nin palitan sa pagatake an duwang kampo sa laog asin palibot kan Strait of Hormuz kabale an UAE poon kan ipaotob an sarong ceasefire sarong bulan na an nakakalihis.
Pighahalat sa ngonian kan Washington an simbag kan Tehran sa sarong propwesto kan US, na nagsasabing pormal nang tapuson an gera bahgo pa man an pag-ooolay sa mas kontrobersyal na mga isyu, arog kan nuclear program kan Iran.
Segun sa tagapagtaram kan Iran foreign ministry, na padagos pang pigtitimbang kan Tehran an saindang kasimbagan sa Estados Unidos.
