Inanunsyar ni United States President Donald Trump an sarong bago asin suboot makasaysayang kasunduan sa kalakalan sa pag-ultanan kan Estados Unidos asin Pilipinas makalihis an saiyang pakikipag-olay kay Pangulong Ferdinand Marcos Jr.
Sa saiyang social media post ngunyan na Miyerkules, Nobyembre 18, sinabi ni Trump na magigin dakulang pakinabang an nasabing kasunduan, partikular sa mga paraoma asin mga nasa sektor nin enerhiya kan Amerika.
Iniladawan niya ini bilang sarong true landmark asin sinabi na nagkaigwa sinda ni Marcos nin magayon na pag-oolay manungod sa kalakalan, nasyunal na seguridad, asin iba pang isyu.
Pinuri man ni Trump si Marcos, na inapod niyang sarong makapangyarihan asin igwang halangkaw na integridad na lider.
Alagad, dai nagtao si Trump nin dugang na detalye manungod sa laog kan bagong trade deal sa saiyang pahayag.











