LEGAZPI CITY-Magde-deploy an defense ministry kan South Korea nin mga maritime patrol aircraft asin sarong explosive ordnance disposal team sa kadagatan harani sa Strait of Hormuz bilang parte kan saindang misyon na imantenir an nakabukas an waterway kaini.
An anunsyo nangyari mantang an Seoul nagmamantenir na dae ini magdedeploy nin mga tropa nganing makiaram sa militar sa gera sa Iran, mantang naghihingoang protehiran man an mga commercial shipping asin energy supplies sa paagi kan saro sa pinaka-importanteng maritime chokepoints sa kinaban.
An gera kan Estados Unidos asin Iran na nagpoon pa kan Pebrero 28, na nakadisturbo sa pagpapadara sa paagi kan Strait of Hormuz, sarong importanteng agihan para sa mga sa energy supplies sa bilog na kinaban na normal na nagdadara nin ikalimang parte kan langis kan kinaban.
Kinumpirmar kan defence ministry an report na an gobierno nagpaplano na pahiwason an operasyonal na lugar kan saindang Cheonghae anti-piracy naval unit, na nagpoprotehir sa mga komersyal na sakayan sa Gulf of Aden sa Somalia, pasiring sa mga katubigan harani sa Strait of Hormuz.
An pag-deploy kabali an sarong destroyer, sarong P-8 maritime patrol aircraft, sarong explosive ordnance disposal (EOD) team, mga unmanned surface vessels, unmanned underwater vehicles asin remotely operated vehicles (ROVs) para sa underwater exploration, susog sa South Korea media.
Antes an anunsyo, kadakol man na nagpoprotesta sa hampang kan American Embassy compund sa Seoul kan Miyerkules kun sain nangapudan ining dae dapat makibale sa agresyon an saindang nacion.
