LEGAZPI CITY-Nagkaigwa nin matinding palitan nin taramon an duwang lawmakers hale sa Batangas na sina Rep. Leandro Leviste asin Rep. Ryan Recto sa plenaryo kan Kamara ngonian na Martes.
Makusog na ipinapangapudans ni Leviste an suboot imbestigasyon mapadapit sa koneksiyon ni Executive Secretary Ralph Recto kay Construction Workers Solidarity Rep. Edwin Gardiola, na naimbuelto sa kontrobersiya sa “flood control scandal.”
Tulos man ining sinimbag ni Rep. Ryan Recto asin tinawan doon na pinaglalaban niya an saiyang ama laban sa mga alegasyon.
Kinuwestyon pa kaini an motibo asin basehan ni Leviste sa nabanggit na isyu.
Pinahimutikan man niya an mga akusasyon asin ipig-doon na “purely professional” sana an nagin koneksyon kan Executive Secretary asin ni Gardiola.
An bangayan kan duwang kongresista, nagresulta sa matinding tensyon sa laog kan plenaryo.
