LEGAZPI CITY-Sinabi kan White House na tinalakay ni US Donald Trump kun pano mapagian an epekto kan posibleng pirang bulan na US blockade sa Iran ports asin pigenganyar an Tehran na magin matalino asin pumirma sa sarong kasunduan.
Isinagibo an pag-oolay kan Martes kasunod kan pagpupursige na maresolbaran na an kariribukan, kun sain pinugulan kan Estados Unidos an pag-export kan langis kan Iran sa paagi kan naval blockade ngani pwersahang buksan na an Strait of Hormuz.
Segun sa Pakistan source, mantang nagpapalitan nin banta an Washington asin Tehran, pigpoporbaran man kan Pakistan mediator na maibitaran an paglala kan tensyon kan duwang kampi asin padagos na nakikipagpalitan nin mensahe mapadapit sa sarong potensyal na kasunduan.
Naenot nang sinabi ni Trump sa sarong post sa Truth Social na pwedisir mag-apod an Iran para sa sarong pag-oolay, alagad nanindugan an Tehran sa saindang desisyon.
Segun sa White House pinag-olayan ni Trump asin mga ehekutibo an mga lakdang ngani mapagian an presyo kan langis sa pankinabang merkado. mantang ipapadagos an presenteng blockade nin pira pang bulan, ngani mabawasan suboot an epekto kaini sa American consumers.
Mientras tanto, naglangkaw an presyo kan langis sa pankinabang merkado kun sain nasa labi 6% ini poon kan Miyerkules huli sa padagos na tensyon sa Middle East.
