LEGAZPI CITY-Nagpatanid an State Weather Bureau sa posibleng epekto kan halangkaw na heat index sa Bicol Region.
Segun kay Weather Specialist Alexis Ruivivar, nasa irarom ngonian an rehiyon sa extreme caution kun sain posible an heat cramps asin heat exhaustion.
Dagdag pa kan opisyal na posibleng mauli sa heat stroke an mga continous activity sa luwas, sa irarom kan siring kaining mainit na panahon.
Huli digdi, pinapayuhan an gabos na permihang mag-inom nin tubig ngani maibitaran an dehydration, ibitaran an mga physical activity asin pag-inom nin kape, orog na sa udto asin hapon.
Pwedisir man na mag-sulot nin mga light colored na bado o kaya kun warang kinakaipuhan sa luwas, magtenir muna sa harong orog na sa oras na alas 12:00 sagkod alas 2:00 nin pagka-hapon kun sain pinaka-namamatean an mainit na panahon.
Dagdag pa kan opisyal na magtetenir an maalinsangang panahon sagkod sa masunod na semanaa asin sa ngonian wara pang weather disturbance na makakapektar sa rehiyon.
