LEGAZPI CITY-Pig-aabisuhan kan Albay Electric Cooperative (ALECO) an mga konsumidores na magtipid sa paggamit kan suplay nin kuryente.
Huli ini sa posibilidad kan paglangkaw kan singil sa kuryente kasabay kan padagos an epekto kan krisis sa Middle East.
Segun ki Albay Electric Cooperative Spokesperson Anj Galero, sa intrevista kan Bombo Radyo Legazpi na posible ining mangyari kun kaya kinakaipuhan an pagtitipid sa konsumo orog na sa ngonian na padagos an paglangkaw kan presyo.
Abiso man sa publiko na tuyong “peak hours” o an mga oras sa kada aldaw na sabay sabay naggagamit na kadalasan sa hapon o banggi, pwedisir ining gamiton ngani makatipid orog na kun dai piggagamit an mga appliances asin ilaw sa harong ngani dai maglangkaw an power bill.
Posibleng ma-apply an pagbabago sa singil ngonian na Marso, kaya pig-aabisuhan an mga konsumidores na magtipid asin magin alerto sa mga susunod pang abiso kan kooperatiba.
Sinabi pa ni Galero na pinagbabantayan kan mga government bodies an mga aktibidad sa merkado asin pigtatawan ini nin prayoridad ngani maprotehiran an mga konsumidores para sa stable na power supply.
