LEGAZPI CITY- Pinag-aantisiparan na kan Albay Electric Cooperative an paglangkaw kan demand kan konsumo sa kuryente sa panahon kan tag-init.
Segun ki ALECO spokesperson Anj Galero sa intrevista kan Bombo Radyo Legazpi na tuyong tag-init an nagkakaigwa man nin manipis na linya kan kuryente kun sain an iba an napuputol o nagpuputok huli sa labing init asin demand.
Igwa man suboot na nago-overload na mga transformer kaya nagkakaigwa na ngunyan nin mga preventive maintenance asin system preparedness.
Paliwanag kan opisyal na pighahali man an mga obstruction siring kan mga sanga nin kahoy na nakaka apektar sa linya nin kuryente.
Ini an nagkapira sa mga rason kaya komon na nagkakaigwa nin mga brownout sa provincia.
Sa ibong kaini, sinabi ni Galero na pigigibo man kan mga linemen an gabos ngani na mapakarahay an manlain lain na sitwasyon.
