Kinumpirmar ni Senate President Pro Tempore asin Senate Blue Ribbon Committee Chairman Ping Lacson na irerekomenda kan komite an pagsusunad nin kasong plunder asin graft kontra sa anom na presente asin dating lehislador katakod kan suboot maanomalyang flood control projects.
Kaibanan sa mga pinangaranan sinda Senators Jinggoy Estrada, Joel Villanueva, asin Chiz Escudero.
Kasabay pa an mga dating lehislador na sinda Bong Revilla, Zaldy Co, asin Mitch Cajayon-Uy.
Segun ki Lacson na nahahampang sa imbestigasyon an nasabing mga personalidd asin igwa ng nagkapira na pigsugo na arestaron huli sa pagkaka imbwelto sa anomalya.
Sa presente, apat pa sana an nagpirma sa draft asin bako pa opisyal an report kan komite makalihis uminatras an tulong miyembro.
Kaibanan sa mga nagpirma sinda Lacson, Senator Risa Hontiveros, Bam Aquino, asin Kiko Pangilinan.
Kaipuhan kaya nin 11 pirma ngani na maipresentar an report sa plenaryo kan Senado.
