LEGAZPI CITY – Pangapodan ni Ako Bicol Partylist Rep. Alfredo Garbin na magkasarararo an mga bikolano sa pagsabat kan taong 2026 na pano nin paglaom asin pananalig sa diyos.
Sa intrevista kan Bombo Radyo Legazpi, nagmawot an opisyal na makakaguyod sa turismo kan ciudad kan Legazpi an isasagibong fireworks display na parte kan new years countdown na papangenotan kan lokal na gobierno.
Piglinaw niya man na dae ginamit kan City government an saindang pondo sa isasagibong fireworks display asin hale suboot ini sa arambagan kan namamanwaan asin pirang establisyemento nganing maisakatupadan an aktibidad.
Pagsyerto niya man na sa pagsapit kan taong 2026, magpapadagos pa man suboot an saindang pagtabang sa mga nangangaipuhan sa rehiyon kan Bicol sa laog kan saindang makakaya.
Pigpunto pa ni Rep. Garbin na tutukan niya an saindang programa sa edukasyon, salud, imprastraktura, paraooma, parasisira, turismo, asin kapalibutan.
