LEGAZPI CITY-Pighikayat kan sarong toxic watchdog group an mga law enforcement agencies asin local government unit na mas pahigoton pa kampanya kontra sa paggamit nin iligal na mga paputok ngonian na papabot na an Bagong Taon.
Segun ki Ban Toxic Campaigner Thony Dizon sa intrevista kan Bombo Radyo Legazpi, na laoman ninda na saro sa mangenot an Philippine National Police (PNP), Bureau of Fire Protection (BFP) asin Department of Health (DOH) sa pagsasagibo nin mas mahigot na kampanya.
Siring man an mga lokal na opisyal huli sa importante an saindang mga regulatory ngani maibitaran an anumang related injury sa paggamit nin firecrackers.
Padagos man an saindang monitoring orog na sa mga merkado asin iba pang lokasyon na igwang nanotarana na nagpapabakal nin ipinagbabawal na paputok.
Naglilibot man sinda sa mga eskwelahan ngani magpagirumdom sa mga jovenes manungod sa peligro sa salud kan paggamit nin mga paputok.
Sinabi man kan opisyal na importante an kampanya huli sa taon-taon na naghahalangkaw an numero kan mga insidente sa paggamit nin paputok kun sain porsyento digdi an haros mga jovenes.
Pangapudan man ninda sa mga magurang na bantayan an saindang mga ako ngonian na kapaskuhan asin sa Bagong Taon.
Pigeengayar man an gabos orog na an mga jovenes na gumamit na sana nin mga alternatibong bilang pamparibok sa pagselebrar ngonian na holiday season.
