LEGAZPI CITY-Nagpatanid an Ban toxic campaigner sa mga kababayan sa pagbakal nin school supplies sa pagbubukas kan klase sa Hunyo 8, 2026.
Segun kay Ban Toxic Campaigner Thony Dizon, sa intrevista kan Bombo Radyo Legazpi na binusisi ninda an nagkapira sa mga school supplies asin may suspetsa sinda na igwa ining taglay na kemikal sa saindang charactieristics.
Nadiskubre ninda na nagkapira sa mga bag, container, mga plastic, asin pouches o pencil case an igwang nakakalalason na kemikal arog kan led.
Alagad, nilinaw man ni Dizon na bako gabos na school supplies an igwa kaini.
Kun kaya pigbubusol ninda asin kan Safe School Supplies for Kids na halion na an mga kemikal orog na sa mga kagamitang pambata.
Pirmihan suboot na nahihilingan nin led content an mga school bags, mga materyales na makintab o glossy, asin mga bright colors na piggagamit kan mga manufacturers.
Sinabi man ni Dizon na makamundo ini huli ta regulated sa nacion an siring na kemikal.
Posible kaya na ma-expose digdi an mga joven huli ta haloy na oras an saindang piggugol sa mga eskwelahan, asin pwedisir na sa paagi kan ingestion o inhalation maapektaran an mga ini.
Sinabi man kan World Health Organization (WHO) na maski pa low level sana, igwang tendency na ma-expose digdi an mga joven, maski pa hababa an content ration kan kemikal.
