LEGAZPI CITY—Arestado an duwang most wanted kan banwaan nin Rapu-Rapu Albay sa kasong homicide huli sa ikinundusir na magkasunod na operasyon kan mga kapulisan.
Segun ki Rapu-Rapu Municipal Police Station Chief of Police Police Major Joseph Melitante, sa intrevista kan Bombo Radyo Legazpi, enot na naarestar an Rank 3 most wanted na si alyas “Cecille”, 35-anyos, asin residente kan Barangay Lagundi kan nasabing banwaan.
Makalihis an pirang oras an sunod man na naarestar an Rank 2 most wanted na si alyas “Joyce”, may agom, sarong paraooma, asin residente man kan nasambitang barangay.
Segun sa opisyal na may pigkakahampang an duwang suspek na kasong homicide asin sa presente an nagtitinir na sa district jail.
Mientrastanto, pig-engganyar man ni Melitante an publiko na makipagkoordinar sa saindang opisina en kaso may mga impormasyon na naguno o may mawot na i-report na imbuelto sa sarong krimen nganing maarestar an mga ini.
