LEGAZPI CITY-Opisyal nang hinagad kan gobyerno kan Pilipinas sa International Criminal Police Organization (Interpol) na magpaluwas nin red notice laban sa dating kongresista na si Zaldy Co.
Kinumpirmar ini kan tagapagtaram kan National Bureau of Investigation (NBI) na si Palmer Mallari sa sarong interbyu.
Ipinadara suboot kan gobyerno an pormal na kahagadan sa Philippine Center on Transnational Crime.
Oras na maaprobaran na an red notice, ipapadara ini sa gabos na nasyon na miembros kan Interpol ngani ipaaram na igwang mahanmiento de aresto kontra sa dating kongresista hali sa sarong korte sa Pilipinas.
Huli sa kanselado man an pasaporte ni Co, pwedisir na siyang arestaron kan mga lokal na otoridad sa arin man na nacion na saiyang kinamumugtakan, huli pagbalgar sa immigration laws.
Sa tabang kan red notice, mas magigin madali an pagsubaybay asin pagdakop sa pigkokosiderang pugante na si Zaldy Co ngani na maibalik sa Pilipinas asin mapanimbagan an kaso na saiyang pigkakahampang.
