Kinondena ni Senator Risa Hontiveros an serye nin suboot death threats asin pro-killing comments kontra saiya, kasunod kan pagkagadan kan vlogger na si Alicia Lipata o mas bisto bilang Mima Alicia.
Sa ipigheras kaining mga screenshots, nakapalaman na an senadora na suboot an masunod.
Segun sa pahayag ni Sen. Hontiveros na pigsi-seryoso ninda an nasabing mga banta asin hinagad na an tabang kan National Bureau of Investigation (NBI) ngani na ma-aydentipikaran an mga nagpapatanid saiya online.
Pagbuyagyag kaini na naipadara na sa NBI an mga pangaran asin screenshots kan ginatos na Facebook users na nagbanta na gagadanon siya.
Nangapudan man si Hontiveros sa social media platforms asin sa mga law enforcement na aksyunan an inapod kaining culture of impunity online.
Tinawan duon man kan senadora na dae dapat na magin normal an pagbabanta sa buhay kan kapwa, gurano man karakom an pagkakaiba sa politika.
