LEGAZPI CITY- Dae na naisalbar pa an driver na naimbwelto sa aksidente sa Purok 6, Upper Sipi, Daraga, Albay makalihis atakihon sa puso.
Marurumduman na dinalagan pa sa ospital an biktima alagad binawian man liwat nin buhay.
Kasubagong maagahon kan makabangga sa poste an sarong pampasaherong bus sa banwaan kan Daraga makalihis atakihon an driver kaini.
Segun ki Police Lt. Col. Edgar Azotea, hepe kan Daraga Municipal Police Station sa intrevista kan Bombo Radyo Legazpi na tulos na nakipag koordinar an mga kapulisan sa pamilya kan biktima siring sa kumpanya kan bus na pigmamaneho kaini.
Napag-araman na nagpadara man nin mga personahe an manhamiento kan bus ngani na mapakarahay an behikulo
Katakod kaini, nagpagirumdom man an hepe sa mga drivers na siertuhon na nasa marhay na salud antes magbiyahe ngani na maibitaran an anuma na dae pinaglalaoman na insidente.
