LEGAZPI CITY-Padagos na pighihingoa kan Department of Information and Communications Technology (DICT) Bicol an restorasyon kan Internet makalihis an mga nagaging bagyo.
Segun ki Disaster Risk Reduction and Management of DICT Bicol Head John Nomel Ebuenga, sa intrevista kan Bombo Radyo Legazpi na padagos an pagtataos ninda nin serbisyo manungod sa pagkakaigwa nin stable internet connection sa rehiyon.
Nagbugtak man suboot sinda nin pigaapod na Low Earth Orbit (LEO) Satellite kun sain nagtatao ining koneksyon sa paagi kan Satellite na bako kaparehas kan Fiber.
Nakapagtao man sinda kaini nin labi sa 100 sa provincia kan Masbate asin 87 naman sa provincia kan Catanduanes.
Laoman man na sa masunod na taon, an makapagtao sinda nin libreng Wi-Fi services sa rehiyon.
Pigsisierto man suboot kan saindang ahensya an pagtatao nin sebisyo asin mapauswag an digital services katuwang an iba pang mga ahensya.
