LEGAZPI CITY-Pighikayat kan National Bureau of Investigation (NBI) si dating Ako Bicol Party List Representative Zaldy Co asin an gabos na iba pang akusado na magsuko na.
Sinabi ni NBI Officer-in-charge Director Atty. Angelito Magno na mantang option pa man giraray an pagsuko asin bakong consequence, dapat gibuhon ini kan mga akusado.
Sinabi niya na an mga mandamiento de aresto aktibo pa asin an saindang mga grupo naghihiro na asin an pinto para sa mga akusado an marikas na nagsasara.
Dugang pa kan opisyal na sa ley, wara nin “later” kundi dapat na magsunod sana.
Sinabi pa niya na mas magian an proseso enkaso kusang loob na nagsuko alagad mas magabat pa kun sinda mismo an pighahabol na.
Pighikayat kan hepe kan NBI an apelasyon ki Co na magsuko na makalihis an mismong anunsyo ni Presidente Ferdinand Marcos Jr. na may ipinaluwas nang mandamiento de aresto laban sa mga akusado sa mga maanomalyang flood control projects.
