Pigbubusol ni Presidente Ferdinand Marcos Jr an mas mahiwas na paggamit kan taunan na 20,000 pesos na benepisyo sa bulong sa irarom kan programang PhilHealth GAMOT, sa pagsigurar na mas dakul na mga Pilipino an makaka-aprobetsar kaini.
Dakul na mga indibidwal na nakarehistro sa irarom kan programang YAKAP an dae pa nakaka-avail kan benepisyong ini.
Segun sa meeting sa Malacañang kan Oktubre 21, pigsugo kan Presidente ang PhilHealth asin Presidential Communications Office na mas pakusugon an pagpaabot nin impormasyon manungod sa nasabing programa.
An mga propuestong estratehiya kabali an paggamit kan barangay health workers, mga yunit nin gobyerno lokal, tradisyonal na media, asin mga digital na plataporma.
Mientrastanto, an Director Heneral kan Food and Drug Administration (FDA) na si Margarita Gutierrez nanuga na hahaleon an mga nakabinbin na aplikasyon kan ahensya sa laog nin sarong taon.
Plano kan FDA na magkua nin 125 dagdag na mga paraebalwar asin limang system analysts tanganing maparikas an pagproseso.
An iba pang mga lakdang kabali an digitalisasyon kan mga serbisyo sa salud asin an pilot testing kan sarong bagong sistema para sa mga botika na nakatalaan sa Nobyembre.
An mga inisyatiba na ini may katuyuhan na mapasimple an pagkua nin mga bulong asin masiguro na an publiko tunay na makikinabang sa mga probisyon na pigtuyo para sa sainda.
