LEGAZPI CITY-Nangangapudan an mga pamilya kan mga biktima kan war on drugs sa International Criminal Court (ICC) na ibasura an panibagong apelasyon kan kampo ni dating Presidente Rodrigo Duterte na ipundo an gabos na ipapundo na suboot an paglilitis asin an kondisyong pagpapalaya sa dating presidente.
Sa sarong pahayag, pigtuyaw kan lado kan drug war victims an lakdang kan kampo kan dating Presidente bilang padagos na pagprobar na makalikay sa hustisya asin accountability.
Nangapudan man an “National coordinator of Rise Up for Life and Rights” na si Rubylin Litao sa ICC na padagos na kumpirmahon an mga kaso asin arestaron an mga co-perpetrators kan dating Presidente sa madaliang panahon.
Magigiromdoman na sa ika-21 pahina kan apelasyon na isinumiter kan defense team ni Duterte sa ICC Appeals Chamber kan Nobyembre 14, pig-agyat kaini an desisyon kan Pre-Trial Chamber 1 kan Oktubre 23.
Kun sain pigpapakusog kaini an otoridad kan korte na ipadagos an kaso kontra sa dating Presidente huli sa suboot krimen na may relasyon sa crimes against humanity sa irarom kan saiyang administrasyon.
