Gadan an sarong buyong na lalaki makalihis na saksakon kan kagsadiri kan harong na saiyang ginapo.
Nangyari ini sa Baras, Rizal Province.
Binisto an biktima sa pangaran na si “Rey” mantang an suspek nabisto sa pangaran na “Ramon” parehong residente kan nasambitang lugar.
Basado sa imbestigasyon, buyong na nag-uli an biktima hale sa sarong inuman.
Nagpurot ini nin gapo asin itinapok sa harong kan suspetsado.
Nagimata si Ramon aasin kan enot, nag-kalma an biktima alagad dae siya nagsimbag sagkod sa maghantong sa simbagan asin iriwal asin nauli sa pananaksak.
Nagsapo nin lugad sa hawak an biktima na nagin rason kan saiyang pagka-gadan.
Naospital man an suspek huli sa mga lugad sa saiyang hawak.
Sa presente, arestado na an suspetsado asin mahahampang sa magkakanigong disposisyon.
