LEGAZPI CITY—Nag-alokar na an Department of Labor and Employment (DOLE) Bicol nin nasa labi P59 milyon na kantidad nin tabang para sa mga biktima kan pangrarapado kan bagyong Uwan sa Catanduanes.
Segun ki DOLE Bicol Regional Director Imelda Gatinao, sa intrevista kan Bombo Radyo Legazpi, maabot sa pocomas o menos 10,000 beneficiaries an mababarewasan kan saindang itinagamang pondo.
Enot na digdi, nakapag-pay out na sinda nin nasa P4.7 milyon sa mga apektado kan nasabing bagyo kun saen an mga benepisyaryo an nagkundusir nin clearing operation.
Siring man na ire-release na an schedule sa ongoing implementation nin project sa provincia nganing mai-download ini para sa manlaen-laeng municipio na nag-aabot sa kantidad na P22.9 milyon.
Para man sa profiling para sa mga biktima kan pangrarapado kan bagyo, igwa man sindang ipo-profile na kadugangan na P10 milyon.
Mientrastanto, nakatalaan man na magbisita an ahensya sa iba pang mga munisipalidad kan Catanduanes nganing makapaghatod nin magkakanigong tabang.
