Ipigsugo ni Department of Agriculture Secretary Francisco Tiu Laurel Jr. an implementasyon kan mga bagong regulasyon ngani na mapakusog an depensa kan nacion kontra sa African Swine Fever, mantang pigsi-sierto an salbadong importasyon kan swine products.
Segun sa opisyal na pigigibo kan gobierno an gabos ngani na makabangon hali sa epekto kan African Swine Fever sa paagi kan national zoning.
Sa paagi kaini, naaaydentipikaran an mga lugar na wara na kan nasabing helang.
Sa irarom kan Administrative Circular No. 12, pigtutugutan an pagbisto sa ASF-free zones sa accredited exporting countries, na uyon sa standards kan World Organization for Animal Health.
Huli digdi, pwedesir na mag-apply an mga accredited countries kan ahensya para sa ASF regionalization recognition.
Kinakaipuhan sana kan mga ini na magsumiter nin report sa pagbabatay sa African Swine Fever, control measures asin boundaries sa mga rehiyon na wara na kan nasabing helang.
