LEGAZPI CITY-Matinding danyos an winalat ni Bagyong Uwan sa ika-3 Distrito kan Albay, kun sain uminabot sa Signal No. 4 an kusog kan paros kaini.
Segun kay Albay Representative Raymond Adrian Salceda, amay na nagsagibo nin preemptive evacuation an gabos na mga banwaan asin an ciudad sa distrito ngani masierto an kaligtasan kan mga residente.
Tinatayang nasa 25,000 na mga pamilya an nag-ebakwar alagad psoible pa suboot ining maghalangkaw mantang pigsasagibo pa an beripikasyon kan mga lokal na gobierno.
Ipigbuyagyag ni Salceda na naapektaran an nagkapirang lugar huli sa suboot pambansang pagbabawal sa mga proyekto kan flood control, na nagin rason kan dai pa pagpapaayos kan mga naraot na istruktura poon pa kan Bagyong Kristine.
Nagsagibo man suboot an mga awtoridad nin sandbagging operations ngani mapugulan an pagbabaha asin makapag-ebakwar an mga residente.
Nangangapudan man an opisyal sa Department of Public Works and Highways (DPWH) na tawan nin priyoridad an mga scientific asin evidence-based na proyekto para sa tamang flood control sa Albay.
Mientrastanto, padagos man an relief operations sa mga apektadong komunidad.
Dagdag pa kan kongresista, na may bastanteng suplay nin pagkakan para sa 10,000 na mga pamilya, alagad kaipuhan pa suboot nin dugang na tabang ngani matugunan an pangangaipohan kan gabos na naapektaran na mga namamanwaan.
