LEGAZPI CITY-Doble kayod na an Department of Public Works and Highways (DPWH) ngonian sa pagpakathay kan mga lubak-lubak na tinampo sa Metro Manila huli ta nagkararaot ini sa epekto kan makusog na pag-uran asin pagbaha.
Segun ki DPWH Secretary Vince Dizon, an nagkapira digdi nasa parte kan Quezon City, Malabon, Manila City, Pasay City, Taguig City asin Valenzuela City.
Enot na pigtuyaw an DPWH huli sa pagkaraot kan tinampo sa EDSA Busway makalihis an pirang bulan na paghirahay.
Pigsierto man ni Dizon na bukas ini sa anuman na imbestigasyon sa nangyari sa mga naraot na tinampo huli sa ginibong rehabilitasyon kan EDSA.
