LEGAZPI CITY – Presente nang nagsasagibo nin assessment an Albay Provincial Agricultural Office (APAO) mapadapit sa nagin danyos kan epekto ni Bagyong Tino sa sector kan agrikultura sa provincia.
Segun ki APAO Assistant Agriculturist Daryl John Buenconsejo sa intrevista kan Bombo Radyo Legazpi na nagpapadagos an saindang data collection nganing maaraman kun may paraoomang apektado kan nasambitang raot nin panahon.
Piglalaoman na maipapaluwas an resulta kan piggigibong assessment sa lalong madaling panahon huli ta kun igwang napabaretang nadanyaran sa saindang sektor an maagi pa ini sa validation.
Sa ibong kan bako man direktang nagtama an nasambitang bagyo sa rehiyon kan Bikol an dae man ninda pighahale an posibilidad na may apektadong paraooma urog nang nagin makusog an mga namatean pag-uuran kan mga nakalihis na aldaw.
Pigtaram pa kan opisyal na antes pa man maka-apektar sa rehiyon an mga raot nin panahon an pig-aabisuhan na ninda an mga paraooma na anihon na an saindang pananom nganing mapakinabangan asin dae masayang.
May mga naka-alokar man na tabang asistensya gikan sa mga ahensya kan gobierno partikulamente na an Philippine Crop Insurance Corporation (PCIC) asin Department of Agriculture nganing itao sa mga paraoomang nadanyaran kan mga raot nin panahon.
Pangapodan ni Buenconsejo sa mga paraooma na magparehistro sa Registry System for Basic Sectors in Agriculture o sa PCIC nganing masyerto na igwa nin insurance an saindang pananom laban sa anumang klase nin kalamidad.
 is currently conducting an assessment regarding the damage caused by Typhoon Tino to the agricultural sector in the province.){kind=link}