LEGAZPI CITY—Buminongkaras an sarong kasulo sa sarong harong kun saen nadamay an sarong kotse sa Barangay Maingaran, Masbate City.
Segun ki Masbate City Fire Station Public Information Officer Fire Officer 2 Mike Tiden Migo, sa intrevista kan Bombo Radyo Legazpi, makalihis na maresibe an report an tulos na nagresponde an saindang mga personahes sa lugar nganing mapalsok an kalayo.
Basado sa nagunong datos kan saindang imbestigador na nag-abot sa labi P8,000 an estimated damage kan nasulong harong.
Sa presente nagpapadagos an imbestigasyon kan mga otoridad sa nasabing insidente.
Pagdugang ni Migo na an nasulong residensya an halong light materials asin concrete materials.
Segun sa opisyal na ini an ika labing 10 na insidente nin sulo ngonian na taon sa nasabing ciudad.
