LEGAZPI CITY-Nagkondusir nin Regional Consumerism Challenge an Department of Trade and Industry Bicol sa mga Junior High School students hale sa hale sa manlain-lain na provincia sa rehiyon.
Segun ki Department of Trade and Industry Bicol Regional Director Dindo Nabol, sa intrevista kan Bombo Radyo Legazpi, na parte ini kan saindang selebrasyon kun sain pigpartisiparan kan 18 eskwelahan asin 18 team hale sa manlain-lain na provincia kan rehiyon bikol.
Obheto suboot kaini na mapakusog an saindang adbokasiya asin maenganyar an mga konsumidores asin estudyante na magin aktibo sa saindang responsibilidad bilang sarong parabakal.
Katuwang man suboot kan ahensya an Department of Education sa pagimbitar sa mga talents para sa nasabing aktibidad.
Dugang pa kan opisyal na importante an aktibidad ngani magin maaram sinda sa mga ley asin regulasyon asin ma-edukar an mga estudyante asin mga konsumidores.
Taunan man suboot ining pigsasagibo asin target man kaini bako sana an mga estudyante kundi kairiba man an mga senior citizens.
Abiso man kan opisyal sa mga konsumidores na magin mabusisi sa pagbabakal asin ipadagos an pag-edukar sa saindang mga sadiri.
