LEGAZPI CITY-Nagpahayag si Senator Panfilo Lacson na kun mare-elect giraray siya bilang chairman kan Senate Blue Ribbon Committee sa pagpadagos kan session sa Nobyembre 10, an ipapadagos niya an pagdangog sa Nobyembre 14 mapadapit sa suboot mga anomalya sa flood control projects.
Segun ki Lacson an iimbitaran suboot an mga “very important witness” ngani maparikas an pagsangat nin reklamo laban sa mga imbueltong politiko kairiba na an mga imbueltong opisyales kan Department of Public Works and Highways asin mga kontratista.
Dugang pa kan Senador na kaiba man sa iimbitaran si Technical Sergeant Orly Guteza sa masunod na pagdangog.
Dagdag pa niya na nakipag-olay na siya kay Senate President Vicente Sotto III mapadapit sa ideyang pagbabalik sa Blue Ribbon Committee chairmanship, makalihis na bakantehon niya an position kan Oktubre 6 huli sa suboot pagka-disganar sa mga proseso,
Katakod kaini kadakol man na mga meymbro kan mayorya an nagsasabing mawot pa ni Lacson na magbalik sa nasabing posisyon.
