LEGAZPI CITY-Tinawan doon ni Senator Erwin Tulfo, na presenteng Senate Blue Ribbon Committee Chair na bako lehitimp an isinagibong committee hearing kan Hunyo 4.
Sinabi kan Senador na an nakalihis na pagdangog, bako otorisadong pigmidbid kan chairman kan komite o hale sa opisina kan Acting Senate President.
Isinagibo suboot an committee hearing na luwas sa Senate rules asin sa mga proseso kan institusyon.
Pinahimutikan man kan senador an mga alegasyon kontra saiya kan inapod niyang 18 “maleta boys” manungod sa pagdawit kaini saiya na nakaresibe siya nin kickbacks hale sa mga anomalya sa flood control projects.
Dagdag pa niya na wara man sindang ipinahiling na dokumento o anuman na konkretong pruweba kundi mga tataramon sana.
Katakod kaini, tinawan duon ni Tulfo na obligasyon kan Senate Blue Ribbon Committee na siertuhon na an alegasyon basado sa ebidensya asin mapagkakatiwalaang testimonya.
Mientrastanto, suspendido ngonian an hearing sa senado bilang pag-alay nin momento makalihis an magnitude 7.8 na linog na tuminama sa Mindanao ngonian na pagka-aga nin Lunes, Hunyo 8.
