LEGAZPI CITY- Suportado kan sarong grupo nin mga manggagawa ang propuesto ni Senator Erwin Tulfo na dae pagtatao nin sweldo asin allowances sa mga haralangkaw na opisyal kan gobierno na dae naglalaog sa trabaho na warang valid na rason.
Kaibanan sa mga ini an mga kongresista asin mga senador.
Segun ki Trade Union Congress of the Philippines Spokesperson Carlos Miguel Oñate sa intrevista kan Bombo Radyo Legazpi na dapat na i-apply man sa mga opisyal kan gobierno an ‘no work, no pay’ policy na komon na pigpapaotob sa mga ordinaryong obrero.
Paliwanag kaini na an karaniwang manggagawa na minimum wage earner sana an otomatikong dae pigpapasahodkun dae makalaog sa trabaho kaya dapat na ipaotob man ini sa mga government officials urog na an mga lehislador an haros nasa P300,000 an bulanan na sweldo.
Tinawan duon pa kan opisyal na hali sa buwis kan mga obrero an allowances asin sweldo na pigreresibe kan haralangkaw na opisyal kan gobierno.
