LEGAZPI CITY-Sinimbag ni Senator Alan Peter Cayetano an mga kritiko sa saiyang pirmihang pagla-live sa Facebook, kaiba na an magtugang na sina Senator Raffy Tulfo asin Senator Erwin Tulfo.
Sa saiyang Facebook Live, sinabi ni Cayetano na dai maintidihan kun nata siya pigpupuna huli sa pirmihang paggamit kan social media, mantang nagagamit man suboot kaini an mga Tulfo.
Segun pa kay Cayetano, mas kadakol an naghihiling sa saiyang mga online broadcast huli ta mawot suboot kan publiko na madangog an saiyang panig asin saiyang bersyon kan katotoohan.
Inakusaran man niya sina Raffy asin Erwin Tulfo, pati na si Senator Ping Lacson, na suboot nagpapalitan sana sa pagpuna asin pagpapakalat nin maling impormasyon laban sa saiya.
Marurumduman na nagin sentro kan batikos si Cayetano huli sa madalas niyang pagpe-Facebook Live sa tahaw kan pagliban kan saiyang grupo sa mga sesyon kan Senad kan siya pa an Senate President.
Pirmi man na pigsasabi kan magtugang na Tulfo na mas dapat niyang inoton an pag-atendir sa mga sesyon kaysa an pagpo-post sa social media.
Kasabay kaini, liwat na nag-ugong an orolay makalihis ihayag ni Senator Ping Lacson na pigkakarkulong nasa P700 million ng pondo kan bayan an suboot nasayang sa laog nin 28 aldaw sa pamumuno ni Cayetano sa Senado.
Dai man direktang tinanggi ni Cayetano an nabanggit na kantidad, alagad, sinabi niyang pareho sana suboot an magiging gastuson kan Senado maski sisay pa an nakatukaw na nakaupong Senate President durante kan nasabing panahon.
