LEGAZPI CITY-Inapod na “Senator-judge troll” ni Senate Minority Leader Alan Peter Cayetano an kapareho niya senador na si Ping Lacson.
Katakod ini kan padagos nindang pasaringan na mas lalong nag-iinit kan poonan an imbestigasyon ni Lacson sa suboot mga maanomalyang infrastructure project sa Taguig City, an ciudad kun sain nagserbi si Cayetano bago naglaog sa Senado.
Pinalagan ni Cayetano an padagos na pag-iimbestiga ni Lacson sa mga pinagtutubudang ghost infrastructure project sa Taguig.
Sinabi kaini na igwang tamang ahensya na nakatalaga para digdi.
Alagad dinagdag pa niya na ‘welcome’ pa man liwat si Lacson na busisihin an anumang proyektong pinagtutubudang igwang
iregularidad.
Sa ibong na lado, inihayag man ni Lacson na an saiyang imbestigasyon sa imprastraktura kan Taguig City, an nakadiskubre suboot kan inapod niyang “cauldron of worms” kasunod kan pagoolay kaiba an mga opisyal kan Philippine Reclamation Authority (PRA), na nagbubunyag sa suboot mga “ghost slope protection projects” asin ilegal na reklamasyon sa Laguna Lake.
Sinabi pa ni Lacson na an saiyang tanggapan makikipag-koordinar sa Philippine Reclamation Authority, Office of the Ombudsman, DPWH central office, asin iba pang kinauukulang ahensya ngani kasuhan an mga imbuelto asin ibusol an ganap na pag-agaw kan mga nakamkam na ari-ariang pabor sa gobierno.
