Bako prayoridad kan Kamara an impeachment complaint laban kay Presidente Ferdinand Marcos Jr.
Segun kay House Speaker Bojie Dy III na dakol pang problema asin isyu na pigkakahampang kan nacion kaya dapat enuton muna ining tawan nin solusyon.
Kasimbagan ini ni Speaker sa mga post sa media na nagsasabing masunad si Rep. Francisco “Kiko” Barzaga kan Dasmariñas City nin impeachment complaint laban sa Presidente.
Pinaliwanag ni Dy na wara pa mang nasusunad na kaparehong reklamo, asin an Kamara an presenteng busy sa ibang importanteng orolay.
Pigpromesa kan Speaker sa publiko na sa irarom kan saiyang liderato, padagos na matutok an Kamara sa mga polisiya na nagsusuporta sa mga paraooma, nagpapakusog kan seguridad sa pagkaon, nagbubusol nin paninimbagan, asin naghahatod nin konkretong resulta para sa mga Pilipino.
