LEGAZPI CITY – Karsel an bagsak kan duwang indibidwal sa Manito, Albay huli sa pagbayolar sa Presidential Decree (PD) 705 o mas bisto na Revised Forestry Code of the Philippines.
Segun ki Manito Municipal Police Station Chief Investigator Police Executive Master Sergeant Rolan Almanza sa intrevista kan Bombo Radyo Legazpi na binisto an mga suspetsado na sinda alyas “Manny” na residente kan naunambitang banwaan asin si alyas “Mer” na residente man kan Pioduran, Albay
Nadakop an duwa mantang pigkakarga sa sarong multicab ne behikulo an 16 na pidaso kan narra lumber na may manlain-laing sukol asin dakula.
Kan hagadan suboot kan saindang operatiba an mga indibidwal nin magkakanigong dokumento asin permit na hale sa Provincial Environment and Natural Resources Office para sa mga naunambitang kahoy an wara ining maipahiling.
Pigtaram pa kan opisyal na nasakote an ilegal na gawi kan suspetsado huli sa magayon na koordinasyon kan mga concerned nitezens asin an marikas na pagpasiring sa lugar kan saindang mga personahes.
Pwedesir suboot na ibyahe an mga kahoy sa Pioduran, Albay an mga kahoy mantang basado man sa saindang pagkakarkulo an pwedesir umabot sa poco mas o menos P9,000 an kabilugang kantidad kan saindang nakumpiska hale sa mga suspetsado.
Sa presente nagtetenir an mga naunambitang kahoy sa kustodiya kan saindang hepatura asin pighahalat pa an Albay Provincial Environment and Natural Resources Office para sa magkakanigong disposisyon.
Pagirumdom ni Almanza sa publiko na magkuwa nin magkakanigong dokumento asin papeles sa tamang ahensya kun mawot magputol kan saindang sadiring kahoy nganing malikayan an siring kaining mga kaso.
 705 or better known as the Revised Forestry Code of the Philippines.){kind=link}