LEGAZPI CITY-Nag-olay sina President Ferdinand R. Marcos Jr. asin Japan Prime Minister Sanae Takaichi sa telepono ngonian na aldaw nin Martes, Oktubre 20, 2026, nganing pag-olayan an maabot na ASEAN Summit sa Nobyembre.
Siring man an pagpakusog kan bilateral relation asin presenteng mga isyu sa rehiyon.
Sa saindang orolay, pigrepaso kan duwang lideres an makusog na pagtarabangan kan Pilipinas asin Japan sa mga lado nin seguridad sa enerhiya, depensa, asin mga paghihingoa na mamantenir asin mapakusog an katoninongan sa Mindanao.
Pig-afirmar man giraray kan duwang lideres an padagos nindang suporta para sa pagpakusog kan regional stability sa paagi kan Luzon Economic Corridor (LEC)—sarong pangenot na inisyatiba para sa koneksyon asin pag-uswag kan ekonomiya.
