Inimbitaran kan Sangguniang Panlalawigan kan Albay an kontraktor kan Peñaranda Park Rehabilitation project makalihis na buminagsak an retractable roofing kan parke.
Nagluwas sa naenot na sesyon na an gabat kan naipong tubig-uran an pigtuturong rason kan pagbagsak kan istruktura.
Segun man sa mga report, an Hi-Tone Construction and Development asin FS Co Builders and Supply an mga nakabugtak na kontraktor kan proyekto.
Pigturo kan sarong board member na posibleng may pagkukulang sa disenyo kan paramientras na bubong na ibinugtak.
Piglalaoman mang sisimbagon kan mga kontraktor an mga kahapotan mapadapit sa kalidad kan ginamit na materyales.
Mientrastanto padagos man na pig-iimbestigaran kan Sanggunian an insidente nganing masyerto an kaligtasan asin integridad kan proyekto.
